Xalq Təhsili Muzeyi Azərbaycan SSR Xalq Komissarları Sovetinin 27 aprel 1932-ci il tarixli 651 nömrəli qərarına əsasən 1930-cu ildə Leninqrad (indiki Sankt-Piterburq) şəhərində təşkil edilmiş pedaqoji sərginin bazasında yaradılmışdır. 40-cı illərin əvvəllərində muzeyin ekpozisiyasında 847 eksponat nümayiş etdirilirdi. O vaxt muzeydə 2715-ə qədər kitab və jurnal da saxlanılırdı. Muzeyin ekspozisiya materialları sahəsi 320 m2 olan böyük bir salonda yerləşdirilmişdi.
Muzeyin ekspozisiyasının bir hissəsi (1940-1960)
1961-1964-cü illərdə muzeyin ekspozisiyasında yenidənqurma işləri aparıldı. Muzeyin ekspozisiyası 7 salonda yerləşdirildi.
Sənəd və materialların artımı ilə əlaqədar 1970-ci ildə reekspozisiya zamanı məktəbdənkənar müəssisələr, uşaq və gənclər təşkilatlarının işini əks etdirən yeni materiallar əlavə olunmaqla muzeyin 8-ci salonu təşkil edildi.
Muzeyin I salonunun ekspozisiyası (1961-1979)
Muzeyin ekspozisiyasının IV salonu (1961-1979)
Muzeyin I salonu (1980-cı illərin ekspozisiyası)
Muzeyə aşağıdakı şəxslər rəhbərlik etmişlər:
2005-ci il 14 aprel tarixindən muzeyin direktoru Azərbaycanın və SSRİ-nin maarif əlaçısı Lalə Hüseyn qızı Bayramovadır. O 1970-ci ildən muzeydə işləyir. Muzeydə 1991-1992-ci və 2008-2010-cu illərdə aparılmış reekspozisiya və yenidənqurma işlərində əməyi olmuşdur. Azərbaycan Respublikası Prezidentinin 3 oktyabr 2007-ci il tarixli sərəncamı ilə “Tərəqqi” medalı ilə təltif edilmişdir. 3 oktyabr 2017-ci ildə "Əməkdar Mədəniyyət işçisi" fəxri adı verilmişdir.
